_
ဇနီးမောင်နှံနှစ်ယောက်သည် ကျေးလက်တော ရွာတွင်နှစ်ပေါင်း (၅၀) ကျော်နေထိုင်ခဲ့ကြသည်။ သူတို့နှစ်ဦးသည် အိမ်ထောင်သက် နှစ်ငါးဆယ်ပြည့်ရွှေရတုသဘင်ကို ဆင်ယင်ကျင်းပရန်အတွက် အလွန်ကြီးမားသော မြို့ကြီးတစ်မြို့သို့ သွားရောက်ကြပြီး အလွန်ခမ်းနားသောဟိုတယ် ကြီးတစ်ခုတွင်တည်းခိုလိုက်ကြ၏။ အဘွားကြီးက ဟိုတယ်မှာ အလုပ်သမားတစ်ဦး ကိုကန့်ကွက်ပြောဆိုလိုက်၏။ "ငါတို့နှစ်ယောက် ကျဉ်းမြောင်းလှတဲ့ အခန်းကလေးထဲမှာ ဘယ်လိုလုပ်နေနိုင်မှာလဲ၊ ပြတင်းပေါက် လည်းမရှိ၊ ကုတင်လဲ မရှိ၊ အိပ်ရာလဲမရှိနဲ့" "ဒီလိုပါခင်ဗျာ" "ဒီလိုပါခင်ဗျာလို့ ငါ့ကိုလာမပြောနဲ့၊ ငါတို့က ခရီးသိပ်မသွားဖူးလို့၊ မြို့ကြီးကိုတစ်ခါမှ မရောက်ဖူးလို့၊ ဟိုတယ်မှာ လည်းမတည်းခိုဖူးလို့ မင်းကငါတို့လင်မယား နှစ်ယောက်ကို လူအ၊လူနတွေလို ဆက်ဆံတာ ငါလက်မခံနိုင်ဘူး၊ ငါမင်းတို့ မန်နေဂျာကို တိုင်ပြောရလိမ့်မယ်" ဤတွင် ဟိုတယ်၊ အလုပ်သမားပြန်ပြောလိုက်ပုံမှာ- "ဒီမှာ အန်တီကြီး၊ ဒါ အန်တီတို့အိပ်ခန်း မဟုတ်သေးဘူးလေ၊ ခုအန်တီရပ်နေတာကို ဓာတ်လှေခါးလို့ ခေါ်ပါတယ် ခင်ဗျာဟူ၏"
0 Comments
Leave a Reply. |
ADMIN
နေမင်းသူ Archivesရေးခဲ့ပြီးသည့်ဟာသများ
All
|